Griaß Eich.
Wem mei Text zu lang is, guggt direkt des Buidl unt o
Hob mir im Jahr 2010 bei der Firma mit de 3 großn Buchstabn (lt. Bericht in Dream Machines Ausgabe 6/11 die Nr.1 in Deutschland, was Speichenfelgen betrifft) a hintere 5-Felgn plus Speichnsatz für mei Wildstar kaft. 5"-15 is de Größ. Hob im Januar beim Ausbau vo meim Hinterradl wegn Reifnwechsel mit Erschreckn festgstellt dass mir 5 Speichn komplett abgrissn und min 5 Speichn o'grissn san. Hob dann mit der Firma telefoniert. Hom gsogt, Pech ghabt. Ko passiern. Un weil i die damals ned bei dene eigspeicht hob geht nix auf Garantie. Mir scho klar. Hom ma den Vorschlog gmacht, daß i de Felgn eischick, sie mocha neie Speichn nei. Un dann hob i Garantie drauf. Kost ca 300Euro!!! Na bravo. Dauert 2 Wochn is ma gsogt worn
So, die Felgn war nach 6 Wochn imma noch ned da. Auch nach mehrmaligem telefoniern bzw Mailverkehr. Hob dann Anfang der 7. Woche de Schnauzn voll ghabt. Hob wieder bei dene ogruafa un gsogt, dass mei Felgn umgehend un sofort im momentanen Zustand verpackt un mir zuagschickt wern soll. Und plötzlich, welch Wunder.2 Tag später wars do. Im fertigen Zustand. Der ganze Spaß is per Nachnahme 293,-Euro ins Haus geflattert. Also ein Satz schwarze Speichn incl einspeichn.
Hob des Radl dann umgehend eibaut. Paßt soweit ois. Dann schaug i mir aufd Nacht de Zettl o, die mir besagte Firma zur Felgn mit in Karton glegt hod.
Unter anderem a Art Garantiebestimmung, die i mir von am Händler (in meinem Fall Yamaha-Händler) abstempeln un untaschreibn lassn soll. Des ganze dann wieda zruck zur Felgn-Firma schickn. Dann nach 500KM wieder zum Händler zur Nachkontrolle. A wieder abstempeln und Unterschrift, dann zruck zur Felgn-Firma. Soweit so guat.
Und jetz kommts.
Punkt 2. der Garantiebestimmung
Das Fahrzeug muß mit original Auspuffanlage und original Stößdämpfern ausgerüstet sein.
Da nachgewiesener Weise zu lauter Schall, besonders am Hinterrad, negative Veränderungen im Speichenmaterial verursacht.
Hob ma dann erst amoi a Hoibe Bier aufgmacht. Dann noch amoi glesn. Stand aber immer noch derselbe Schmarrn aufm Zettl. Gibts doch ned
Stell ma grad an Biker vor, der sich für sei Harley a 10-Felgn bei dera Firma kaft hod und mit 300er hinten durch de Lande fahrtmit original Auspuff..und original Stoßdämpfer.ABER mit Garantie für sei scheiß Felgn.
NEIN, i bau ma ned an original Auspuff hiund NEIN, i bau a ned wieder den original Stoßdämpfer ei.und NEIN, i laß den Wisch ned von meim Händler abstempeln..und JAAAA, i scheiß auf die Garantie und bete jedn Tag, dass i in Zukunft koan Speichnbruch hob. I wui mit dera Firma nimma ausanandsetzn. I mog oafach nimma. Aus, Schluß, vorbei.
Eure Meinung bzw evtl Erfahrungen mit besagter Firma mit de 3 großn Buchstaben (Namen wui i ned nennen. Sog bloß, san in da Nähe vo Osnabrück) dat mi intressiern.